मुंबई, दि. १६ (पीसीबी) – राज्य मंत्रिमंडळ विस्ताराबाबत चर्चा कऱण्यासाठी मुख्यमंत्री देवेंद्र फडणवीस आणि प्रदेशाध्यक्ष रावसाहेब दानवे भाजपाध्यक्ष अमित शहा यांची दिल्लीत भेट घेणार आहेत. यावेळी मंत्रिमंडळ यादी आणि शिवसेनेचा वाटा यावर चर्चा होण्याची शक्यता आहे. मुख्यमंत्री, दानवे आणि महामंत्री रामलाल यांच्या बैठकीत एकनाथ खडसे यांच्या राजकीय पुनर्वसनावरही चर्चा झाल्याचे सांगितले जात आहे.