पिंपरी, दि. २२ (पीसीबी) – पिंपरी-चिंचवड महापालिकेच्या थेरगाव माध्यमिक विद्यालयाच्या १४ वर्षाच्या मुलींच्या कबड्डी संघाने बारामती येथे झालेल्या राज्यस्तरीय शालेय कबड्डी स्पर्धेत अजिंक्यपद मिळवले आहे. अजिंक्यपद मिळवलेल्या या संघातील भूमिका कमलेश गोरे आणि रूपाली त्र्यंबक डोंगरे या दोन मुलींची राष्ट्रीय शालेय कबड्डी स्पर्धेसाठी निवड झाली आहे. त्यामुळे उद्योगनगरीच्या क्रीडा क्षेत्राचा नावलौकिक वाढला आहे.
