नवी दिल्ली, दि. ७ (पीसीबी) – राज्यसभेच्या उपसभापतीपदासाठी विरोधी पक्षाकडून राष्ट्रवादी काँग्रेसच्या खासदार वंदना चव्हाण यांना उमेदवारी देण्याचे निश्चित मानले जात आहे. उपसभापतीपदाची निवडणूक गुरुवारी (दि.९) घेण्यात येणार आहे. सत्ताधारी पक्षाकडे आणि विरोधकांकडेही संपूर्ण बहुमत नसल्याने ही निवडणूक चुरशीची होण्याची शक्यता आहे. एनडीएने जेडीयूचे खासदार हरिवंश यांना उपसभापतीपदाच्या निवडणुकीसाठी उमेदवारी दिली आहे. त्यामुळे आता वंदना चव्हाण विरुद्ध हरिवंश अशी लढत होणार आहे.