नवी दिल्ली, दि. ९ (पीसीबी) – राज्यसभेच्या उपसभापतिपदासाठी आज (गुरूवार) घेण्यात आलेल्या निवडणुकीत भाजपप्रणित एनडीएचे उमेदवार हरिवंश नारायण सिंह यांनी विजयी मिळवला. आवाजी मतदानातून निर्णय न झाल्याने मतदान घेण्यात आले. यात एनडीएच्या हरिवंश नारायण सिंह यांना १२५ मते मिळाली. तर यूपीएचे उमेदवार बी. के. हरिप्रसाद यांना १०५ मते मिळाली. त्यानंतर राज्यसभेच्या उपसभापतिपदी हरिवंश सिंह हे विजयी झाल्याची घोषणा करण्यात आली.
