चिंचवड, दि. १८ (पीसीबी) – रहाटणी येथील ‘पुणेकर ज्वेलर्स’ या दुकानावर बुधवार (दि.६ मार्च) दुपारी एकच्या सुमारास दोन दुचाकीवरुन आलेल्या पाच दरोडेखोरांनी व्यावसायिकावर गोळीबार करुन दुकानातील सोने-चांदिचे दागिने आणि रोख रक्कम लुटून नेली होती. या प्रकरणाचा छडा लावण्यात वाकड पोलिसांना यश आले असून त्यांनी दोन आरोपींना दोन गावठी पिस्तुल आणि सोन्याचे दागिने असा एकूण २३ लाखांच्या ऐवजासह अटक केली आहे.