पिंपरी, दि. ५ (पीसीबी) – पिंपरी-चिंचवडमधील भोसरी विधानसभा मतदारसंघाचा समावेश असलेल्या शिरूर लोकसभा मतदारसंघात चौथ्यांदा विजय मिळवण्यासाठी शिवसेनेला चांगलाच संघर्ष करावा लागण्याची शक्यता आहे. आगामी लोकसभा निवडणुकीच्या पार्श्वभूमीवर शिरूर मतदारसंघात आजमितीला शिवसेनेची राजकीय स्थिती भक्कम असल्याचे चित्र आहे. या मतदारसंघात विरोधकांमधील बेकीचा फायदा शिवसेनेला होत आला आहे. त्यामुळे विरोधकांमध्ये विशेषतः राष्ट्रवादीत एकी निर्माण झाली, तर शिवसेनेसाठी आगामी निवडणूक अवघड होईल. दुसरीकडे युती न झाल्यास भाजपही निवडणुकीच्या रिंगणात असेल. त्यामुळे राष्ट्रवादीतील एकी, भाजपची रणनिती यावरच शिवसेनेचा विजय की पराभव हे निश्चित होणार आहे. आगामी निवडणुकीत शिरूरमध्ये भाजप विरूद्ध शिवसेना विरूद्ध राष्ट्रवादी अशी तिरंगी लढत होऊन कोणालाही विजयाची लॉटरी लागण्याची शक्यता आहे.
Home Notifications रणांगण लोकसभेचे; शिरूर मतदारसंघात तिरंगी लढत, राष्ट्रवादीच्या नेत्यांची भूमिका निर्णायक ठरणार