नवी दिल्ली, दि. २० (पीसीबी) – केंद्र सरकारकडून खासगी क्षेत्रातील व्यक्तींसाठी सहसचिव पदाच्या १० जागांसाठी तब्बल ६००० हून अधिक अर्ज आले आहेत. सरकारने खासगी क्षेत्रातील योग्य व्यक्तीला संधी देण्याच्या उद्देशाने या पदांसाठी अर्ज मागवले होते. कार्मिक आणि प्रशिक्षण मंत्रालयाने ‘लॅटरल एंट्री’ अंतर्गत सहसचिव पदाच्या १० जागांवर नियुक्तीची घोषणा केली होती. या अंतर्गत खासगी क्षेत्रातील कर्मचारी करारातंर्गत सरकारशी जोडले जाऊ शकतात. अधिकाऱ्यांनी दिलेल्या माहितीनुसार ६,०७७ अर्ज प्राप्त झाले आहेत.