‘युतीसाठी आग्रह, पण शिवसेनेला निधी देण्यास टाळाटाळ’

0
329

मुंबई, दि. १ (पीसीबी) – शिवसेनेच्या आमदारांची कामे होत नसल्यामुळे तसेच पाच कोटींचा विकास निधी मिळावा यासाठी गेल्या वर्षी अधिवेशनकाळात शिवसेना पक्षप्रमुख उद्धव ठाकरे यांच्या नेतृत्वाखाली सेना नेत्यांनी मुख्यमंत्र्यांची भेट घेतली होती. त्यावेळी विकास निधी देण्याचे मुख्यमंत्री देवेंद्र फडणवीस यांनी मान्य केले. त्याला आता वर्ष उलटले तरी अद्यापि सेनेच्या आमदारांना विकास निधी मिळालेला नाही. त्यामुळे शिवसेनेच्या आमदारांमध्ये तीव्र नाराजी निर्माण झाली आहे.