“या” नटीने महिन्याभरात घटवले १० किलो वजन

0
546

मुंबई, दि. १७ (पीसीबी) – चित्रपटांमध्ये आपल्या आवडीची भूमिका मिळणं हे कलाकारासाठी सोपं नसतं. आणि मिळालीच, तर त्यासाठी घाम गाळण्याची तयारीही ठेवावी लागते. अभिनेत्री रकुल प्रीत सिंगला विचारा. आगामी ‘दे दे प्यार दे’ या चित्रपटात ती भूमिका साकारणार आहे. या चित्रपटासाठी तिला पंचवीस दिवसांमध्ये दहा किलो वजन कमी करायला सांगण्यात आलंय.

रकुल प्रीत सिंग त्यासाठी दररोज चार तास व्यायाम करून ती डाएटही पाळतेय. आपल्या आयुष्यातला हा तीव्र संघर्षाचा काळ असल्याचं तिला वाटतंय. ती म्हणते, ”दे दे प्यार दे’ चित्रपटात मला भूमिका मिळाली त्यावेळी दिग्दर्शकांनी मला वजन कमी करण्यास सांगितले. ते म्हणाले तुला ‘कॉकटेल’ चित्रपटातील दीपिकाइतके बारिक दिसायचे आहे. मीसुद्धा हे चॅलेंज स्वीकारले आणि एका महिन्यांत १० किलो वजन कमी केले.

‘दे दे प्यार दे’ चित्रपटात अजय देवगण, तब्बू आणि रकुल प्रित सिंग मुख्य भूमिकेत दिसणार आहेत. या चित्रपटाचे दिग्दर्शन अकिव अली करत आहेत.