नवी दिल्ली, दि. २२ (पीसीबी) – भाजपाच्या भोपाळ लोकसभेच्या उमेदवार साध्वी प्रज्ञासिंह ठाकूर यांनी निवडणूक आयोगाच्या नोटीशीला उत्तर दिले आहे. आपण कोणत्याही शहीदाचा अपमान केला नसल्याचे स्पष्टीकरण त्यांनी या उत्तरात दिले आहे. साध्वी मालेगाव बॉम्ब स्फोटातील आरोपी असून सध्या जामीनावर बाहेर आहे. दोन दिवसांपूर्वी त्यांनी २६/११ च्या मुंबई हल्ल्यात शहीद झालेल्या हेमंत करकरेंविरोधात वादग्रस्त विधान केलं होतं. याप्रकरणी निवडणूक आयोगाने साध्वींना कारणे दाखवा नोटीस पाठवली होती.
