पिंपरी, दि. १६ (पीसीबी) – टाळेबंदीच्या आदेशाचे उल्लंघन केल्याबाबत पिंपरी-चिंचवड पोलिसांनी गुरुवारी (दि. 15) शहरातील 381 जणांवर भारतीय दंड विधान कलम 188 नुसार खटले दाखल केले आहेत. कोरोना रुग्णांची संख्या वाढत असताना पोलिसांनी देखील नियमभंग करणा-यांच्या विरोधातील कारवाई अधिक सक्त केली आहे.
सार्वजनिक ठिकाणी न थुंकणे तसेच सार्वजनिक ठिकाणी मास्क लावणे बंधनकारक करण्यात आले आहे. याचे पालन न करणा-यांवर आर्थिक दंडाची कारवाई केली जात आहे. दंड न भरल्यास थेट गुन्हे दाखल केले जात आहेत.
कोरोनाची साखळी तोडण्यासाठी प्रशासनाने दिलेल्या आदेशांचे तसेच नियमांचे पालन करण्याचे आवाहन केले जात आहे. नियम न पळणा-यांवर पोलिसांकडून कारवाई करत खटले दाखल केले जात आहेत.
गुरुवारी पिंपरी-चिंचवड पोलिसांनी भारतीय दंड विधान कलम 188 नुसार केलेली कारवाई –
एमआयडीसी भोसरी (20), भोसरी (19), पिंपरी (13), चिंचवड (8), निगडी (17), आळंदी (20), चाकण (85), दिघी (12), म्हाळुंगे चौकी (0), सांगवी (26), वाकड (79), हिंजवडी (8), देहूरोड (40), तळेगाव दाभाडे (0), तळेगाव एमआयडीसी (0), चिखली (18), रावेत चौकी (12), शिरगाव चौकी (4)
