पिंपरी, दि. १५ (पीसीबी) – मावळ लोकसभा मतदारसंघातील शिवसेना उमेदवार श्रीरंग बारणे यांचा प्रचार करताना महायुतीचे पदाधिकारी ही निवडणूक म्हणजे जनशक्ती विरूद्ध धनशक्तीचा लढा असल्याचे सांगत आहेत. स्वतः श्रीरंग बारणे हे १०२ कोटींच्या संपत्तीचे मालक, तर राष्ट्रवादीचे उमेदवार पार्थ पवार यांच्याकडे अवघ्या २९ व्या वर्षी २० कोटींहून (कुठे काम केले कोणालाच सांगता येणार नाही) अधिकची संपत्ती आहे. या दोघांपैकी कोणीही निवडून आले तरी त्यांची संपत्ती कोटींच्या कोटी उड्डाणे घेणार हे निश्चित आहे. त्यामुळे मावळ मतदारसंघाची लढाई ही “धनशक्ती विरूद्ध जनशक्ती” आहे का?, याचा मतदारांनी खरोखरच विचार करण्याची वेळ आली आहे.