नवी दिल्ली, दि. ८ (पीसीबी) – काँग्रेस अध्यक्ष राहुल गांधी यांच्यानंतर आता राष्ट्रीय स्वयंसेवक संघाने बहुजन समाज पार्टीच्या अध्यक्षा मायावती, पश्चिम बंगालच्या मुख्यमंत्री ममता बॅनर्जी आणि समाजवादी पार्टीचे नेते अखिलेश यादव यांच्यासह ३ हजार विविध क्षेत्रातील दिग्गजांना कार्यक्रमाचे निमंत्रण दिले आहे. त्यामुळे मायावती आणि अखिलेश यादव संघाचे हे निमंत्रण स्वीकारतात का? याकडे सर्वांचे लक्ष लागले आहे.
