माझा एनआरसीला पाठींबा पण सीएएला विरोध – राज ठाकरे

मुंबई, दि.२८ (पीसीबी) – ‘माझे सीएएला समर्थन नसून बेकायदा पाकिस्तानी, बांगलादेशी मुसलमानांना हाकला असे म्हणालो होतो. पण माझ्या वक्तव्याच्या प्रसारमाध्यमांकडून चुकीचा अर्थ लावण्यात आला.’ अस म्हणत मनसे अध्यक्ष राज ठाकरे यांनी माघार घेतली आहे.

मनसेच्या पहिल्या महाअधिवेशनात राज ठाकरे यांनी पाकिस्तान आणि बांगलादेशातून लाखो मुसलमानांनी भारतात घुसखोरी केली असून, त्यांना हाकलून देण्याची गरज आहे. त्यासाठी ९ फेब्रुवारी रोजी आझाद मैदानावर मोर्चा काढण्याची घोषणा करत राष्ट्रीय नागरिक नोंदणीला अप्रत्यक्षपणे पाठिंबा दर्शवला होता.

मात्र मनसेत सीएए आणि एनआरसी च्या मुद्द्यावरून मनसेत मत मतमतांतर झाल्यामुळे राज ठाकरेनी त्यांच्या कृष्णकुंज या निवासस्थानी पदाधिकाऱ्यांची बैठक बोलावली होती.