नवी दिल्ली, दि.31(पीसीबी) : माजी राष्ट्रपती प्रणव मुखर्जी (वय-८४) यांची वैद्यकीय प्रकृती रविवारपासून खालावली होती आज दुपारी त्यांची प्राणज्योत मालवली. एक अत्यंत सभ्य, शालीन, सुसंस्कत राजकारणी अशी त्यांची ख्याती होती. इंदिरा गांधी यांच्या काळापासून केंद्रीय मंत्रीमंडळात विविध खात्यांची जबाबदारी त्यांनी सांभाळली होती. राजीव गांधी यांच्या निधनानंतर पंतप्रधानपदासठी त्यांचे नाव घेतले जात होते. अखेर च्या टप्प्यात राष्ट्रपती पदासाठी त्यांना संधी मिळाली. त्यांच्या निधनावर देशातील मान्यवरांनी शोक व्यक्त केला आहे. पाच वेळा राज्यसभेचे तर दोन वेळा लोकसभेचे सदस्य होते. २०१२ मध्ये देशाचे १३ वे राष्ट्रपती म्हणून ते निवडून आले होते. मोदी सरकारच्या काळात भारतरत्न देऊन त्यांचा सन्मान करण्यात आला होता.