महापालिका निवडणूक ‘एससी, एसटीसाठी’ प्रभाग लोकसंख्येच्या टक्केवारीवर राखीव

पिंपरी, दि. १८ (पीसीबी) – पिंपरी-चिंचवड महापालिकेच्या सार्वत्रिक निवडणुकीसाठी अंतिम प्रभाग रचना नुकतीच प्रसिद्ध झाली असून आता प्रतिक्षा आरक्षण सोडत कधी होणार त्याची आहे. महापालिकेची 139 नगरसेवक संख्या असणार आहे. तर, एकूण 46 प्रभाग असणार आहेत. अनुसूचित जाती (एससी) साठी 22 तर अनुसूचित जमातीसाठी (एसटी) 3 जागा राखीव आहेत. 114 जागा सर्वसाधारण गटासाठी असतील. अनुसूचित जातींसाठी संभाव्य 22 प्रभागातील जागा राखीव राहू शकतात. हे आरक्षण लोकसंख्येच्या टक्केवारी नुसार उतरत्या क्रमाणे असणार आहे.

स्थानिक स्वराज्य संस्थांमध्ये अनुसूचित जातींसाठी 16 टक्के आरक्षण आहे. त्यामुळे 139 सदस्यांच्या महापालिका सभागृहात 22 सदस्य असतील. त्यात महिला व पुरुष सदस्यांची संख्या प्रत्येकी 11 असणार आहे. तर, अनुसूचित जमातीसाठी स्थानिक स्वराज्य संस्थांमध्ये तीन टक्के आरक्षण आहे. त्यानुसार सध्यस्थितीत अनुसूचित जमातीतील सदस्य संख्या तीनच राहणार आहे. त्यांच्यासाठी प्रभाग 41, 44 आणि 6 हे प्रभाग आरक्षित असतील. त्यातील 41 आणि 44 या दोन प्रभागात एससी, एसटी दोन जागा राखीव राहतील. त्यामुळे खुल्या प्रवर्गातील एका जागेसाठी मोठी चुरस होणार आहे.

संभाव्य ज्या प्रभागात अनुसूचित जातीसाठी 22 जागा राखीव असणार आहेत ते पुढीलप्रमाणे आहेत.