यवतमाळ, दि. २८ (पीसीबी) – ज्येष्ठ साहित्यिका डॉ. अरुणा ढेरे यांची ९२ व्या अखिल भारतीय मराठी साहित्य संमेलनाच्या अध्यक्षपदी निवड झाली आहे. ढेरे यांच्या नावावर साहित्य महामंडळाच्या बैठकीत शिक्कामोर्तब करण्यात आला. काव्य, समीक्षण, ललित, वैचारिक अशा साहित्याच्या विविध क्षेत्रात अरुणा ढेरे यांनी मुशाफिरी केली आहे. लोकसंस्कृतीचा अभ्यास, हा त्यांच्या साहित्यप्रवासाचा केंदबिंदू ठरला आहे.
