पुणे, दि. ४ (पीसीबी) – मराठा समाजाच्या आरक्षणासाठी सुरू असलेल्या आंदोलनाचे मी नेतृत्व करणार नाही. मात्र, समाजाच्या मागे खंबीरपणे उभा राहील आणि एका समनव्यकाची भूमिका पार पाडणार आहे. तसेच मुख्यमंत्र्यांकडून लवकरात लवकर बैठक बोलवावी. त्या बैठकीत माझ्यासह सर्वच मराठा समाजातील प्रत्येक घटकाला सहभागी करून घ्यावे. ही बैठक बंद दाराआड न होता. संबंध महाराष्ट्राला समजेल, अशा पध्दतीने घ्यावी. प्रसारमाध्यमाच्या प्रतिनिधीना बोलावून त्याचे थेट प्रक्षेपण करावे, अशी मागणी आज (शनिवार) खासदार संभाजीराजे भोसले यांनी केली.
