मुंबई, दि. १५ (पीसीबी) – मराठा समाजाला आरक्षण देण्यासंदर्भातील राज्य मागासवर्ग आयोगाचा अहवाल आज (गुरुवारी) मुख्य सचिव डी. के. जैन यांच्याकडे सादर करण्यात आला. या अहवालावर अभ्यास करुन पुढील पावले उचलली जातील, असे जैन यांनी यावेळी सांगितले. दरम्यान, हा अहवाल आता मंत्रिमंडळाच्या बैठकीत सादर केला जाणार आहे. मंत्रिमंडळाने हा अहवाल स्वीकारल्यानंतर पुढील प्रक्रियेसाठी विधिमंडळात मांडला जाणार आहे.