अहमदनगर, दि. ३ (पीसीबी) – अहमदनगर महापालिकेच्या निवडणूक प्रचारासाठी राज्याच्या ग्रामविकासमंत्री पंकजा मुंडे यांच्या उपस्थितीत सभा आणि रॅलीचे आयोजन करण्यात आले होते. एका सभेदरम्यान, एका कार्यकर्त्याने या परिसरात गुंडांचा मोठा उपद्रव होत असल्याची तक्रार पंकजा यांच्याकडे केली. गुंडापासून संरक्षण मिळण्यासाठी काहीतरी करा, असे सांगितले. यावर भिता कोणाला, मी तर सर्वांत मोठी गुंड आहे. हा परिसर भयमुक्त करू, असे आश्वासन पंकजा यांनी दिले. त्यानंतर उपस्थितांनी टाळ्या वाजवून पंकजांच्या धाडसी आश्वासनाचे स्वागत केले.