मुंबई, दि. २० (पीसीबी) – मुख्यमंत्री देवेंद् फडणवीस यांच्या शिष्टाईनंतर आमदारकीचा राजीनामा मागे घेणारे भाजपचे धुळ्यातील नाराज आमदार अनिल गोटे यांनी अवघ्या २४ तासात युटर्न घेत नव्या पक्षाची घोषणा केली आहे. ‘स्वाभिमानी भाजप लोकसंग्राम’ पक्षाच्या माध्यमातून ते धुळे महापालिकेची निवडणूक लढवणार आहेत. त्यांच्या पक्षाचे शिट्टी हे चिन्ह आहे. भाजपसाठी हा मोठा धक्का मानला जात आहे.