मुंबई,दि.४(पीसीबी) – भाजपने गोपीनाथ मुंडे यांना पक्षातून काढण्याचा ठराव मांडला होता. मात्र आम्ही त्याला वेळीच विरोध केल्याने तो ठराव फेटाळून लावला, असा गंभीर आरोप भाजपचे माजी आमदार प्रकाश शेंडगे यांनी केला आहे.
भाजपने कायम ओबीसी नेत्यांना संपवण्याचा डाव आखला. जो प्रकार गोपीनाथ मुंडेंसोबत भाजपने केला तसचं पंकजा मुंडे सोबत केला जात आहे. पंकजा मुंडे यांना परळीतून भाजपनेच पाडलं. त्यामुळे पंकजा मुंडे यांनी वेळीच निर्णय घ्यावा, असा सल्ला प्रकाश शेंडगे यांनी पंकजा मुंडेंना दिला आहे.
मी भाजप सोडणार नसून बंडखोरी माझ्या रक्तात नसल्याचं पंकजा मुंडेंनी स्पष्ट केलं. मी भाजपची प्रामाणिक कार्यकर्ती आहे. मी पक्षासाठी काम केलंय आहे, असं म्हणत पंकजा मुंडेंनी पक्षांतराच्या चर्चांना पूर्णविराम दिला आहे.
