नवी दिल्ली, दि. ३१ (पीसीबी) – मारुती सुझुकीने बीएस६ पेट्रोल इंजिनची अर्टिगा कार लाँच केली आहे. या नव्या कारच्या किंमतीत १० हजार रुपयांची वाढ करण्यात आली आहे. या कारची किंमत ७.५४ लाख ते १०.५ लाख रुपयांपर्यंत आहे. याआधी या कारची (पेट्रोल इंजिन) किंमत ७.४४ लाख ते ९.९५ लाख रुपये इतकी होती.
मारूती सुझुकीने सीएनजी आर्टिगाच्या लाँचिंगनंतर बीएस६ पेट्रोल इंजिनची अर्टिगा लाँच केली आहे. कंपनीनं शुक्रवारी सीएनजीच्या किटसोबत अर्टिगाला ८.८७ लाख रुपयांच्या किंमतीसह बाजारात उतरवले आहे. व्हीएक्सआय व्हेरियंटमध्ये सीएनजीचा पर्याय देण्यात आला आहे. सीएनजीच्या अर्टिगाचे मायलेज २६.२० किलोमीटर प्रती किलो आहे, असा दावा कंपनीने केला आहे. अर्टिगा सीएनजीत K15B १.५ लीटर इंजिन आहे. जे ९२ एचपीचे पॉवर आणि १२२ एनएम टॉर्क जनरेट करते.
बीएस६तील अपडेटेट इंजिनशिवाय कोणताही बदल करण्यात आला नाही. अर्टिगामध्ये केवन५बी १.५ लीटर स्मार्ट हायब्रिड पेट्रोल इंजिन देण्यात आले आहे. मारूती कंपनी सध्या इंजिनला बीएस६ अपडेट करीत आहे. २०२० पर्यंत डिझेल इंजिनच्या सर्व कार बंद करणार असल्याची घोषणा याआधी कंपनीकडून करण्यात आली आहे. बीएस६ नॉर्म्स सर्व नवीन गाड्यांमध्ये एप्रिल २०२० पर्यंत अपडेट करणे बंधनकारक करण्यात आले आहे. मारुती अर्टिगात ड्युअल फ्रंट एअरबॅग्स, हायस्पीड वॉर्निंग अलर्ट, ब्रेक असिस्सट आणि रिव्हर्स पार्किंग सेन्सर यासारखे सुरक्षित फीचर्स देण्यात आले आहेत.