फक्त सरडाच नाही तर ‘हे’ जीव सुद्धा आपला रंग बदलण्यात माहीर आहेत… पण हे रंग का बदलतात?

आपण सरड्याच्या रंग बदलण्याच्या सवयीबद्दल फक्त ऐकलेच नाही तर पाहिले सुद्धा आहे. सरडा त्यांच्या स्वभावासाठी खूप प्रसिद्ध आहेत. सामान्यत: असे मानले जाते की सरडा हा एकमेव असा आहे जीव आहे जो रंग बदलण्यात तज्ञ आहे, परंतु अस बिलकुल नाहीये. जगात असे बरेच प्राणी आहेत जे बदलत्या रंगामध्ये सरड्यापेक्षा सुद्धा वेगवान आणि माहीर आहेत. रंग बदलणार्‍या या सर्व प्रजातींमध्ये एक साम्य आहे की, ते शिकारपासून बचावासाठी किंवा शिकार करण्यासाठी रंग बदलतात.

1. पेसिफिक ट्री फ्रॉग

हा बेडूक उत्तर अमेरिकेत आढळतो जो रंग बदलण्यात माहिर आहे. त्याचे पाय खूप चिकट असल्याने जे एका झाडापासून दुसर्‍या झाडावर जाण्यास मदत करतात. बेडूकला स्वतःभोवती कोणताही धोका जाणवताच तो लगेच त्याचा रंग बदलतो आणि आजूबाजूच्या झाडे आणि वनस्पतींमध्ये मिसळतो. एवढेच नाही तर हे बेडूक हवामानानुसार रंगही बदलतात.

2. गोल्डन टॉरटॉइज बीटल

हा एक छोटा किडा आहे. जर माणसाने या जीवाला स्पर्श करण्याचा प्रयत्न जरी केला तर हा जीव त्वरित आपला रंग बदलतो. भीतीमुळे, हा जीव आपला रंग बदलतो आणि सभोवतालच्या फुलांमध्ये, पानांमध्ये किंवा मातीमध्ये तो लगेच मिश्रित होतो. एवढेच नाही तर, जोडीदारास भेटल्यानंतरही त्यांचा रंग बदलतो. जरी गोल्डन कासव हे सोनेरी रंगाचे असले तरी एखाद्या परिस्थितीत ते चमकदार लाल रंगाचे होतात.

3. सीहॉरस

सीहॉरस हा एक समुद्री प्राणी आहे, जो सरड्यासारखा रंग बदलण्यासाठी प्रसिद्ध आहे. हा जीव केवळ घाबरत असतानाच नव्हे तर आपल्या भावना व्यक्त करतानासुद्धा त्याचा रंग बदलतो. सीहॉर्समध्ये क्रोमेटफोर्स नावाचा घटक असतो, ज्यामुळे रंग जलद आणि अनेक प्रकारे बदलण्यास मदत होते. घाबरू लागल्यावर, हे प्राणी काही सेकंदात रंग बदलतात, तर जेव्हा त्यांची त्यांच्या जोडीदारासह भेट होते तेव्हा देखील ते रंग हळूहळू बदलतात.

4. मिमिक ऑक्टोपस

मिमिक ऑक्टोपस हा देखील एक सागरी जीव आहे, जो रंग बदलण्यास माहिर आहे. हा जीव सामान्यतः एक बुद्धिमान जलचर जीव आहे. तो कोणत्याही वातावरणात स्वत: ला अनुकूल करण्यासाठी त्याचा रंग बदलतो. यासह, त्यांच्या लवचिक त्वचेमुळे ते आकार बदलण्यास देखील सक्षम आहेत.

5. स्कॉर्पियन फिश

विंचू मासे फक्त शिकार करताना किंवा शिकारीपासून स्वतःचे संरक्षण करतानाच रंग बदलतो. रंग बदलण्यास माहिर असलेला हा मासा अत्यंत विषारी देखील असतो. त्याचा पाठीचा कणा हा विषाने भरलेला असतो. या माशाला पकडण्यासाठी अत्यंत काळजी घ्यावी लागेल, अन्यथा एका क्षणात तो विष बाहेर काढतो.