पिंपरी, दि. २१ (पीसीबी) – पुणे-मुंबई द्रुतगती महामार्गावरील (एक्स्प्रेस वे) धोकादायक दरडी हटविण्याच्या कामाच्या दुसऱ्या टप्प्याला सुरुवात झाली असून, त्यासाठी ‘एक्स्प्रेस वे’वर उद्यासून (ता. २१) तीन दिवस ब्लॉक घेण्यात येणार आहे. महाराष्ट्र रस्ते विकास महामंडळाकडून (एमएसआरडीसी) एक्स्प्रेस वेवरील दरडी हटविण्याचे काम सुरू असून, त्यासाठी २१ ते २३ मे दरम्यान सकाळी दहा ते दुपारी साडेचार वाजेपर्यंत प्रत्येक तासाला पंधरा मिनिटांचा ब्लॉक घेण्यात येणार आहे.
