पुणे, दि. 18 (पीसीबी): पुणे, पिंपरी चिंचवड शहर व जिल्ह्यात कोरोनाव्हायरसच्या वाढत्या संख्येवर राज्य सरकार गंभीर विचार करत आहे. देशात सर्वाधीक कोरोना रुग्ण पुणे शहर व जिल्ह्यात आहेत. त्यावर उपाय म्हणून पुढच्या आठवड्या पासून 15 दिवसांचा लॉकडाऊन जाहिर करण्याची तयारी शासकीय पातळीवर वेगात हालचाली सुरु आहेत.
उपमुख्यमंत्री व पालकमंत्री अजित पवार यांनी पुणे व पिंपरी-चिंचवड येथे कर्फ्यू लावण्याच्या सूचना केल्या. आज झालेल्या आढावा बैठकीत त्यांनी या सूचना दिल्या. या बैठकीला सार्वजनीक बांधकाम मंत्री दिलीप वळसे पाटील, राज्य मंत्री दत्ताराय भरणे, वीधानपरिषदेच्या उपसभापती डॉ. नीलम गोर्हे, पुण्याचे महापौर मुरलीधर मोहोळ तसेच आधिकारी उपस्थित होते. यावेळी पवार यानी कोरोनावर नियंत्रण आणण्यासाठी कठोर उपाय योजना करा अशा सुचना दिल्या. मास्क न वापरणारे, अंतर न राखणारे तसेच अनावश्यक फिरणार्या नागरिकावर कारवाईचे निर्देश त्यानी दिले. पुन्हा लॉक डाऊन लागू करावा लागेल असेही चर्चेत सुचित करण्यात आले.
पुणे व पिंपरी चिंचवड शहरातील प्रशासनाला पवार म्हणाले, “जिल्ह्यातील मृत्यूचे प्रमाण कमी करणे अत्यावश्यक आहे. त्याचप्रमाणे, त्याचा प्रसार कमी करण्यासाठी सर्व खबरदारी घेणे आवश्यक आहे. पुरेशा प्रमाणात पैसे उपलब्ध करुन देण्यात येतील पण रुग्णांना बेड्स, अखंडित ऑक्सिजन पुरवठा व वेळेत उपचार मिळावेत याची प्रशासनाने काळजी घ्यावी. ग्रामीण भागातील रुग्णांना सर्व आवश्यक सुविधा उपलब्ध करुन देण्यात याव्यात. ”
नव्याने तयार झालेल्या कोविड केअर सेंटर आणि इतर वैद्यकीय रुग्णालयांमध्ये वैद्यकीय पदे भरण्याचे निर्देशही त्यांनी दिले. त्याचप्रमाणे ‘माझे कुटुंब, माझी जबाबदारी’ या काटेकोरपणे अंमलात आणून त्यांनी डोर-टू-डोअर सर्व्हेचा आग्रह धरला.
वळसे पाटील म्हणाले, “जिल्हा शल्य चिकित्सक ग्रामीण रुग्णालये व वैद्यकीय केंद्रांमधील वैद्यकीय सुविधांकडे दुर्लक्ष करतात. त्याचप्रमाणे ग्रामीण भागात कोविड रूग्णांची संख्या वाढत असल्याने घरातील अलगाव (होम क्वारंटाईन) रूग्णांची संख्या वाढत आहे. त्यांना दूरध्वनीद्वारे योग्य मार्गदर्शन करणे ही प्रशासनाची जबाबदारी आहे. त्यांनी रुग्णांची अद्ययावत यादी ठेवली पाहिजे. ”
डॉ.गोर्हे म्हणाल्या की, आशा कामगार आणि अंगणवाडी सेविका ‘माझे कुटुंब, माझी जबाबदारी’ अंतर्गत सर्वेक्षण करीत आहेत. सुरक्षितता आणि सुरक्षेची काळजी घेणे आवश्यक आहे. जिल्हाधिकारी डॉ.राजेश देशमुख यांनी शहरी व ग्रामीण भागातील परिस्थितीचा आढावा घेतला.