पिंपरी, दि. २० (पीसीबी) – पावसाने घातलेल्या थैमानामुळे उद्ध्वस्त झालेल्या केरळला पिंपरी-चिंचवड महापालिकेच्या सर्व १३३ नगरसेवकांनी मदतीचा हात पुढे केला आहे. हे सर्व १३३ नगरसेवक आपले एक महिन्याचे मानधन केरळ पूरग्रस्तांना पुन्हा नव्याने उभे राहण्यासाठी देणार आहेत. त्याचप्रमाणे महापालिकेच्या सर्व कर्मचाऱ्यांनीही एक दिवसाचे वेतन केरळ पूरग्रस्तांना द्यावे, असे आवाहन नगरसेवकांनी केले आहे.