पिंपरी, दि. २० (पीसीबी) – पिंपरी-चिंचवडमधील भटक्या कुत्र्यांच्या समस्येवरून महापालिकेच्या सर्वसाधारण सभेत बुधवारी (दि. १९) विरोधी पक्ष राष्ट्रवादीची राजकीय बुद्धी कोणत्या दिशेने वाटचाल करत आहे, याचे दर्शन घडले. कुत्र्याची सात-आठ पिल्ले एकाच पिशवीत भरून आणत भटक्या कुत्र्यांच्या समस्येकडे लक्ष वेधण्याचा राष्ट्रवादीचा प्रयत्न निश्चितच निंदनीय आहे. त्यावर आक्षेप घेतल्यानंतर खाऊ-पिऊ घालून पिलांना पिशवीत घातले आणि हवा खेळती ठेवण्यासाठी पिशवीला छिद्रे पाडली होती, असे विरोधी पक्षनेते दत्ता साने यांनी समर्थन करणे म्हणजे बालिशपणाचा कळसच म्हणावा लागेल. एकाच पिशवीत सात-आठ पिल्ले एकमेकांच्या अंगावर टाकून पिशवीत कोंबल्यानंतर त्यांच्यासाठी कितीही हवा खेळती ठेवली, तरी ती गुदमरून मरतील, हे लहान पोरांनाही सांगावे लागत नाही. मात्र विरोधी पक्षनेते दत्ता साने यांना हे समजत नाही का?, हाच खरा प्रश्न आहे. आयुक्त श्रावण हर्डीकर यांनी गेल्या महिन्यात दत्ता साने यांचे अज्ञान उघड केले. त्यावरूनही राजकारण केलेल्या साने यांनी आता कुत्र्याची पिल्ले एकमेकाच्या अंगावर टाकून पिशवीत कोंबून आणत आपले ज्ञान किती अगाध आहे, हेच शहरवासीयांना दाखवून दिले आहे.
Home Notifications पिंपरी-चिंचवडवासीयांचे दुर्दैव; अज्ञानी विरोधी पक्षनेता आणि मुद्दे असूनही भरकटलेले विरोधक