पणजी, दि. ३१ (पीसीबी) – गोव्याचे मुख्यमंत्री मनोहर पर्रिकर उपचारासाठी तिसऱ्यांदा अमेरिकेला गेल्यानंतर निर्माण झालेल्या राजकीय परिस्थितीचा फायदा उठवण्यासाठी काँग्रेसने जोरदार मोर्चेबांधणी सुरु केली आहे. पर्रिकर यांचा वैद्यकीय अहवाल २४ तासांच्या आत जाहीर करण्याच्या मागणीबरोबरच, कॉंग्रेसने पुढील रणनीती ठरवण्यासाठी विधीमंडळ गटाची आज (शुक्रवारी) दुपारी बैठक बोलावून भाजपवरील दबाव वाढवण्याचा प्रयत्न केला आहे.
