पतीचा सावळा रंग आवडला नाही; पत्नीने जिवंत जाळले…

0
792

बरेली, दि. १७  (पीसीबी) – पतीचा सावळा रंग आवडला नाही म्हणून पत्नीने त्याला जिवंत जाळल्याची धक्कादायक घटना उत्तर प्रदेशातील बरेली जिल्ह्यांत घडली आहे. याप्रकरणी प्रेमश्री (२२) विरोधात हत्येचा गुन्हा दाखल करण्यात आला असून पुढील तपास सुरू आहे.

खुर्द फतेहगडच्या एसएचओने दिलेल्या माहितीनुसार सत्यवीर आणि प्रेमश्री यांच्या लग्नाला दोन वर्षं झाली होती. सत्यवीर प्रेमश्रीहून दोन वर्षं मोठा होता आणि सावळ्या रंगाचा होता.ही गोष्ट तिला अजिबात आवडत नसे. यावरून ती त्याला रोज टोमणे मारायची. पण प्रेमश्रीवर प्रचंड प्रेम करत असल्यामुळे तो कधीच काही म्हणायचा नाही. पण तिचा राग इतक्या टोकाला जाईल याची कोणीच कधी कल्पना केली नव्हती.

सोमवारी पहाटे सत्यवीर खाटेवर झोपला असताना प्रेमश्री आली आणि तिने त्याच्या अंगावर पेट्रोल ओतलं. त्यानंतर त्याला पेटवून दिलं. यामुळे झोपेत असलेला सत्यवीर खडबडून जागा झाला. त्याच्या किंकाळ्या ऐकून शेजार-पाजारचे लोक आले आणि त्यांनी त्याला रुग्णालयात दाखल केले. तिथे उपचारादरम्यान सत्यवीरचा मृत्यू झाला. याप्रकरणी हत्येचे अजून काही कारणं आहेत का याचा शोध पोलीस घेत आहेत.