आयोध्या, दि. ३ (पीसीबी) – सरदार वल्लभभाई पटेलांची १८२ मीटर उंच पुतळा उभारल्यानंतर उत्त्र प्रदेशचे मुख्यमंत्री योगी आदित्यनाथ लवकरच १५१ मीटर उंच रामाची मूर्ती अयोध्येत साकारणार असल्यची माहिती सूत्रांनी दिली आहे. याची अधिकृत घोषणा योगी आदित्यनाथ दिवाळीत करू शकतात.
राम मंदिराचा वाद सध्या शिगेला पोहचला आहे. न्यायालयाने राम मंदिराची सुनावणी पुढे ढकलल्यानंतर राम मंदिरासाठी कायदा आणण्याची तयारी भाजपच्या खासदारांनी दर्शवली आहे. तर १९९२ सारखं जनआंदोलन करू असा इशारा राष्ट्रीय स्वयंसेवक संघाने दिला आहे. दरम्यान रामाची जन्मभूमी ज्या राज्यात आहे तिथेही राजकारण वेगाने बदलते आहे. समाजवादी पक्षाचे नेते मुलायम सिंह यांची सून अपर्णा यादव हिने राम मंदिराला पाठिंबा दर्शवला आहे.
रामाची १५१ फूट उंच मुर्ती साकारण्याचा निर्णय योगी सरकारने घेतला आहे. शरयू नदीच्या काठावर ही मूर्ती उभी असेल. त्याआधी स्थानिक मातीचे परिक्षण करण्यात येणार आहे. नदीवरील संत तुलसीदास घाटाच्या जवळ ही मुर्ती उभी असेल. गेल्यावर्षी कोट्यावधी रुपये खर्च करून अयोध्येत दिवाळी साजरी करण्यात आली होती. हा उत्सव रामाच्या राज्याभिषेकाहून कमी नव्हता अशी चर्चाही अयोध्येत करण्यात आली होती.