नागपूर, दि. १७ (पीसीबी) – भाजप नेते व केंद्रीय रस्ते वाहतूक मंत्री नितीन गडकरी यांच्याविरोधात काँग्रेसच्या चार नेत्यांनी दंड थोपटले आहेत. त्यामुळे २०१९ ची नागपूर लोकसभा निवडणूक रंगदार आणि चुरशीची होण्याची शक्यता आहे. गडकरींचे पारंपरिक प्रतिस्पर्धी माजी खासदार विलास मुत्तेमवार हे निवडणूक लढवण्यास इच्छुक आहेत. गेल्या वेळी गडकरींच्याविरोधातील पराभवाचा वचपा काढण्यासाठी त्यांनी उमेदवारी मागितली आहे.