निगडी, दि. ८ (पीसीबी) – निगडीतील ओटा स्किम परिसरात आज (शुक्रवारी) पहाटेच्या सुमारास पोलिसांनी कोम्बिंग ऑपरेशन करुन एकूण ५६ सराईतांना ताब्यात घेतले. मात्र १२९ गुन्हेगारांची यादी तयार केली असताना पोलीसांच्या हाती फक्त ५६ गुन्हेगारच कसे लागले या बाबत शंका व्यक्त केली जात आहे. ही कारवाई खंडणी विरोधी पथक, आर्थिक गुन्हे शाखा, गुन्हे शाखा युनिट एक आणि दोन, तसेच बारा पोलिस ठाण्यातील कर्मचारी आणि अधिकारी असे ३०९ पोलीस आणि ५५ अधिकाऱ्यांनी संयुक्तरित्या केली.
