अहमदनगर , दि. २० (पीसीबी) – महाराष्ट्र स्वाभिमान पक्षाचे अध्यक्ष आणि खासदार नारायण राणे यांचे मन भाजपमध्ये रमत नाही. त्यांना आजही चुकल्या चुकल्यासारखे वाटत आहे. त्यामुळे राणे काँग्रेसमध्ये परतण्याची शक्यता आहे, असे सूचक विधान काँग्रेस नेते व माजी महसूलमंत्री बाळासाहेब थोरात यांनी केले आहे. तसेच काँग्रेस सोडून गेलेले अनेकजण परतीच्या वाटेवर आहेत, असा दावाही त्यांनी यावेळी केला.
