इस्लामाबाद, दि. १८ (पीसीबी) – इम्रान खान यांच्या शपथविधी सोहळ्यासाठी पाकिस्तानात आज (शनिवार) गेलेल्या नवज्योतसिंग सिद्धू यांच्यावर टीका सुरू असताना त्यांनी तिथे केलेल्या एका कृतीमुळे आणखी नवे वादंग माजण्याची शक्यता आहे. सिद्धू यांनी पाकचे लष्करप्रमुख कमर बाजवा यांची गळाभेट घेतली. भारताविरोधात दहशतवादी कारवायांना प्रोत्साहन देणाऱ्या पाकिस्तानी लष्कराच्या प्रमुखांना सिद्धूंनी दिलेल्या आलिंगनामुळे काँग्रेसमध्ये अस्वस्थता पसरली आहे.
