अहमदनगर, दि, ९ (पीसीबी) – नगर-औरंगाबाद महामार्गावर शासकीय विश्रामगृहासमोर आज पहाटे ट्रक आणि एसटी बसचा भीषण अपघात झाला. अपघातानंतर बसने पेट घेतला. बस जळून खाक झाली असून या भीषण अपघातात ७ प्रवासी गंभीर जखमी झाले आहेत. तर २१ जण किरकोळ जखमी आहेत. अपघातानंतर प्रवासी बसमधून लगेच उतरले. त्यामुळे मोठा अनर्थ टळला.
एसटी बस औरंगाबादहून नगरकडे येत होती. ओव्हरटेक करताना बस समोरून येणाऱ्या ट्रकला धडकली. या अपघातानंतर बसने पेट घेतला. बसमधील प्रवासी बसमधून खाली उतरल्याने मोठा अनर्थ टळला. सात प्रवासी गंभीर जखमी झाले असून खासगी हास्पिटलमध्ये उपचारासाठी दाखल करण्यात आले आहे. तर २१ प्रवासी किरकोळ जखमी झाले आहेत.