मुंबई, दि.१४ : राजकीय नेते म्हणजेच बीडचे पालकमंत्री आणि राज्याचे सामाजिक न्यायमंत्री धनंजय मुंडे यांचं खासगी आयुष्य मध्यंतरी काही कारणांमुळे चर्चेत आलं होत. कुठेतरी त्या सर्व गोष्टींना पूर्णविराम लागतोय असं वाटत असतानाच आता पुन्हा एकदा त्यांचं नाव आणि खाजगी आयुष्य चर्चेत आलं आहे. कारण धनंजय मुंडे यांच्या जोडीदार करुणा धनंजय मुंडे यांनी फेसबुक पोस्ट करत मोठी घोषणा केली आहे. करुणा धनंजय मुंडे यांनी आपल्या जीवनावर आधारीत पुस्तक प्रकाशन करणार असल्याचं जाहीर केलं आहे.
आपण पुस्तक प्रकाशित करणार असल्याचं करुणा धनंजय मुंडे यांनी फेसबुक पोस्ट करत जाहीर केलं आहे. धनंजय मुंडे यांच्यावर बलात्काराचा आरोप झाल्यानंतर खासगी आयुष्याबद्दल खुलासा करण्याची वेळ त्यांच्यावर आली होती. धनंजय मुंडे यांनी सोशल मीडियातूनच खुलासा करत, “तक्रार करणाऱ्या रेणू शर्मा हिच्याशी आपला काहीएक संबंध नाही. तिची मोठी बहीण करुण शर्मा हिच्याशी परस्पर सहमतीनं मी संबंध ठेवले होते. तिच्यापासून मला दोन मुलं आहेत,” अशी कबुली दिली होती. यानंतर मोठा वाद निर्माण झाला होता. विरोधकांनी धनंजय मुंडे यांच्या राजीनाम्याची मागणी केली होती. मात्र तक्रार मागे घेतल्यानंतर हा वाद शमला होता. पण आता करुणा धनंजय मुंडे यांनी पुस्तक प्रकाशित करणार असल्याचं जाहीर केल्याने हा विषय पुन्हा चर्चेत आला आहे.
“माझ्या जीवनावर आधारित सत्य प्रेम जीवनगाथा लवकर प्रकाशन प्रकाशित होण्याच्या मार्गावर आहे. त्याचे प्रकाशन लवकर केले जाणार आहे,” असं सांगत करुणा धनंजय मुंडे यांनी सोबत फोटो शेअर केला आहे. यामध्ये एक प्रेमकथा लवकरच असा उल्लेख असून खाली आश्चर्यजनक प्रेमकथा’ असं म्हणत करुणा धनंजय मुंडे यांनी फेसबुक पोस्ट केली आहे. करुणा यांची बहिण रेणू शर्मा यांनी पुढाकार घेत धनंजय मुंडे यांच्याविरोधात तक्रार केली होती. पण नंतर त्यांनी तक्रार मागे घेतली होती. राष्ट्रवादी काँग्रेसनेही जोपर्यंत आरोप सिद्ध होत नाहीत तोवर कोणताही कारवाई न कऱण्याचा निर्णय घेतला होता. तक्रार मागे घेतल्यानंतर हा वाद शमला होता. पण आता करुणा मुंडे पुस्तकाच्या निमित्ताने अजून कोणत्या गोष्टी नव्याने समोर आणतात हे पहावं लागणार आहे. धनंजय मुंडे यांच्यावरील आरोपानंतर भाजपा आणि मनसेच्या पदाधिकाऱ्यांनी आम्हालाही या महिलेने गळ घातल्याची तक्रार पोलिसांत केली होती. याशिवाय जेट एअरवेजच्या एका माजी अधिकाऱ्याचाही यामध्ये समावेश होती. यानंतर रेणू शर्मा यांनी आपण माघार घेत असल्याचं ट्विट केलं होतं.
