पुणे, दि. १३ (पीसीबी) – देशात जगण्यासाठी सर्वांधिक चांगल्या शहरांच्या यादीत पुणे शहराने अव्वलस्थान पटकावले आहे. अव्वल १० शहरांमध्ये महाराष्ट्रातील तीन शहरांचा समावेश असून या यादीत नवी मुंबई, मुंबई या शहरांनीही दुसरा आणि तिसरा क्रमांक मिळवला आहे. तर ठाणे शहर सहाव्या स्थानी आहे. तर देशाची राजधानी दिल्लीची ६५ व्या क्रमांकावर घसरण झाली आहे. याबाबतची यादी केंद्रीय गृहनिर्माण आणि नगरविकास मंत्रालयाने आज (सोमवार) प्रसिद्ध केली.