नवी दिल्ली, दि. २२ (पीसीबी) – दिल्लीत काँग्रेस आणि आम आदमी पक्षाची अखेर आघाडी झालेली नाही. काँग्रेसने सहा उमेदवारांची यादी जाहीर केली आहे. उत्तर पूर्व दिल्लीतून काँग्रेसने माजी मुख्यमंत्री शीला दीक्षित यांना उमेदवारी जाहीर केली असून नवी दिल्ली लोकसभा मतदारसंघातून अजय माकन यांना उमेदवारी दिली आहे. काँग्रेसने उमेदवारांची यादी जाहीर केल्याने दिल्लीत आम आदमी पक्ष आणि काँग्रेस एकत्र येणार नाहीत हे स्पष्ट झाले आहे. त्यामुळे दिल्लीत तिरंगी लढत होईल, असे दिसते.
