मुंबई, दि. ११ (पीसीबी) – गावठी बॉम्ब व बॉम्ब तयार करण्याचे साहित्य आढळल्यामुळे नालासोपारा येथून वैभव राऊत याला दहशतवादी विरोधी पथकाने ताब्यात घेतले आहे. नालासोपारा आणि पुण्यातून एकूण तीन जणांना अटक केली आहे. त्या तिघांचा ज्येष्ठ विचारवंत डॉ. नरेंद्र दाभोलकर, कॉ. गोविंद पानसरे यांच्या हत्येशी काही संबंध आहे काय हेदेखील तपासून पाहण्यात येईल, अशी माहिती गृह राज्यमंत्री दीपक केसरकर यांनी मंत्रालयात शुक्रवारी पत्रकारांना दिली आहे.