तीन मंत्र्यांना धुळे जिल्हाबंदीची मागणी; भाजप आमदार अनिल गोटेंची निवडणूक आयोगाकडे मंत्र्यांची तक्रार

0
453

धुळे, दि. २३ (पीसीबी) – जलसंपदामंत्री गिरीश महाजन, पर्यटनमंत्री जयकुमार रावल आणि संरक्षण राज्यमंत्री डॉ. सुभाष भामरे तसेच भाजपचे शहराध्यक्ष अनुप अग्रवाल, माजी शहराध्यक्ष हिरामण गवळी, प्रदीप कर्पे यांचे गुंडाशी लागेबांधे आहेत. त्यामुळे या सर्वांना १० डिसेंबरपर्यंत धुळे जिल्ह्यात प्रवेशबंदी करावी, अशी मागणी भाजपचे आमदार अनिल गोटे यांनी राज्य निवडणूक आयोगाकडे केली आहे. आयोगाने दोन दिवसांत या मागणीची अंमलबजावणी न केल्यास वाद्ग्रस्त ऑडिओ क्लिप मुंबईतून माध्यमांसमोर जनतेसाठी खुली करू, अशा इशाराही आमदार गोटे यांनी दिला आहे.