नवी दिल्ली, दि. २५ (पीसीबी) – कोणतीही निवडणूक लढवण्यासाठी दोन अपत्यांचा नियम बंधनकारक आहे. तिसरे अपत्य असल्यास निवडणूक लढवता येत नाही. आता तिसरे मुल दत्तक दिलेले असले, तरी उमेदवाराला निवडणूक लढवता येणार नाही, असा महत्वपूर्ण निर्णय आज (गुरूवार) सर्वोच्च न्यायालयाने दिला आहे. त्यामुळे नियम धाब्यावर बसवून निवडणूक लढवणाऱ्या किंवा पदावर कायम राहणाऱ्या उमेदवारांना दणका बसणार आहे.