नवी दिल्ली, दि.१ (पीसीबी) – गांधी-नेहरू कुटुंबाचे प्रसिध्द अभिनेते राज कपूर यांच्या कुटुंबाशी अगदी निकटचे संबंध होते. त्यामुळेच माजी पंतप्रधान इंदिरा गांधी यांची राज कपूर यांच्या मुलीला घरात सून करून घेण्याची इच्छा होती. मात्र, तसे झाले असते, तर काँग्रेसच्या माजी अध्यक्षा सोनिया गांधी या गांधी घराण्याच्या सून झाल्या नसत्या, असा गौप्यस्फोट ज्येष्ठ पत्रकार रशीद किडवई यांच्या ‘नेता-अभिनेता: बॉलिवूड स्टार पॉवर इन इंडियन पॉलिटिक्स’ या पुस्तकात करण्यात आला आहे.