नवी दिल्ली, दि. १३ (पीसीबी) – केंद्र सरकारने डिकोल्ड टोटल आणि सॅरिडॉनसारख्या ३२७ औषधांवर बंदी घातली आहे. या औषधांवर बंदी घालण्याची शिफारस ड्रग टेक्नॉलॉजी अॅडव्हायजरी बोर्डाने (डीटीएबी) केली होती. ही औषधे फिक्स्ड डोस कॉम्बिनेशन (एफडीसी) औषधे आहेत, असे आरोग्य मंत्रालयाने म्हटले आहे. या निर्णयामुळे पिरामल, मॅक्सिऑड्स, सिप्ला आणि ल्यूपिन सारख्या घरगुती औषध निर्मात्या कंपनीच्या औषधांवर परिणाम होणार आहे. तर दुसरीकडे या निर्णयाविरोधात औषध कंपन्या न्यायालयात जाण्याची शक्यता व्यक्त केली जात आहे.