मुंबई, दि. ८ (पीसीबी) – ‘जे दहा वर्षांपूर्वी बोललो, तेच खरे आहे. जे सत्य आहे ते कायम सत्यच राहणार,’ असे अभिनेत्री तनुश्री दत्ताने केलेल्या आरोपांवर ज्येष्ठ अभिनेते नाना पाटेकर यांनी म्हटले आहे.
मुंबईत घेतलेल्या पत्रकार परिषदेत नाना पाटेकर बोलत होते. ते म्हणाले की, ‘तनुश्रीला कायदेशीर नोटीस पाठवली आहे. ही प्रक्रिया पूर्ण होईपर्यंत काहीच बोलता येणार नाही. तसेच वकिलांनी मला प्रसारमाध्यमांशी बोलण्यास मनाई केली आहे,’ असेही ते म्हणाले.
