जेव्हा माकडीणीने प्रियांका चोप्राच्या थोबाडीत लगावली…

0
477

नवी दिल्ली, दि. १३ (पीसीबी) – केवळ बॉलिवूड नव्हे तर हॉलिवूड गाजवणारी अभिनेत्री म्हणेज प्रियांका चोप्रा. बॉलिवूडच्या या देसी गर्लचे अनेक चाहते असतील….तिच्या आयुष्यात काय सुरू आहे हे जाणून घेण्यासाठी ते धडपडतही असतील. एरव्ही स्वत:च्या खासगी आयुष्याबद्दल फारसे काही शेअर न करणाऱ्या प्रियांकाने तिच्या बालपणीचा एक किस्सा सांगितलाय आणि तो ऐकून तिच्या फॅन्सचे हसू थांबत नाहीये.

प्रियांका अलीकडेच द कपिल शर्मा शोमध्ये सहभागी झाली होती,त्यावेळी तिने हा किस्सा फॅन्ससोबत शेअर केला. ती म्हणाली, ‘मी तिसरी-चौथीत असेन. लखनऊला माझ्या शाळेजवळ एक झाड होते. ज्या झाडावर नेहमीच माकडे येऊन बसत. एके दिवशी मी तिथून जाताना मला एक माकडीण स्वत:चा अंग खाजवताना दिसली. ते पाहून मला हसू आवरेना आणि मी जोरजोरात हसायला लागले. मला हसताना पाहून ती माकडीण झाडावरून खाली उतरली, माझ्याजवळ आली आणि तिने माझ्या थोबाडीत लगावली. माझ्यासोबत काय घडले आहे समजायच्या आत ती पु्न्हा झाडावर चढून बसली होती.’ असे तिने सांगितले.

प्रियांकाच्या आयुष्यातील हा किस्सा तिच्या चाहत्यांनाही प्रचंड आवडला. आपली लाडकी अभिनेत्री बालपणी कशी मस्तीखोर होती याचा त्यांनाही अंदाज आला.