जितेंद्र आव्हाडांची ‘तान्हाजी’ चित्रपटाच्या दिग्दर्शकाला धमकी, म्हणाले…..

मुंबई ,दि.२० (पीसीबी)- तान्हाजी चित्रपटातील चुकीच्या गोष्टी काढून त्यामध्ये लवकरात लवकर बदल करा नाहीतर यामध्ये मला माझ्या पद्धतीने लक्ष घालावे लागेल, असा दम राष्ट्रवादीचे नेते जितेंद्र आव्हाड यांनी दिला आहे. जितेंद्र आव्हाड यांनी याबाबात एक ट्विट केलं आहे.

ओम राऊत तुमच्या तान्हाजी चित्रपटाचा ट्रेलर पाहिला , त्यामध्ये काही प्रसंगात तुम्ही ज्या अनैतिहासिक आणि चुकीच्या गोष्टी घुसडल्या आहेत त्यामध्ये लवकरात लवकर बदल करा अन्यथा यामध्ये मला माझ्या पद्धतीने लक्ष घालावे लागेल.
याला धमकी समजली तरी चालेल.#TanhajiTrailer @omraut

— Dr.Jitendra Awhad (@Awhadspeaks) November 20, 2019

शिवकालीन इतिहासाच्या पानांमधील तानाजी मालुसरे  यांच्या  पराक्रमाची कथा सांगणाऱ्या ‘तान्हाजी: द अनसंग वॉरियर’ या चित्रपटाचा ट्रेलर मंगळवारी प्रदर्शित झाला.मात्र या ट्रेलरवरुन राष्ट्रवादी काँग्रेसचे नेते जितेंद्र आव्हाड चांगलेच संतापले आहेत. त्यांनी ट्विटवरुन या चित्रपटाचे दिग्दर्शक ओम राऊत यांना थेट धमकीच दिली आहे.