खेड, दि. २२ (पीसीबी) – पुणे ग्रामीण पोलीस दलाच्या राजगुरूनगर पोलिसांच्या कोठडीतून दोन सराईत गुन्हेगारांनी खिडकीचे गज कापून पलायन केले आहे. हा प्रकार आज (सोमवारी) पहाटे चारच्या सुमारास घडला.
विशाल दत्तात्रय तांदळे (वय २२, रा मंचर ता आंबेगाव जि. पुणे) आणि राहुल देवराम गोयेकर (वय २६, रा. गोयेकरवाडी, ता. कर्जत, जि. अहमदनगर) अशी कोठडीतून पळालेले आरोपींची नावे आहेत. पोलीस कोठडीत असताना या दोन्ही आरोपींनी खिडकीचे गज कापून यातून पलायन केले.
