चीनची तालिबानला अशी केली भरगच्च मदत

0
477

काबूल, दि. १ (पीसीबी) : चीनने तालिबानला ३.१ कोटी डॉलरच्या मदतीचा पहिला टप्पा तालिबानच्या हंगामी सरकारला पाठवला आहे. आणीबाणीच्या काळासाठी करण्यात आलेल्या मदतीमध्ये हिवाळ्यासाठीचे कपडे, ब्लँकेट अशा गरजेच्या वस्तूंचा समावेश आहे. काबूलच्या आंतरराष्ट्रीय विमानतळावर बुधवारी रात्री चीनकडून देण्यात आलेली मदत पोहोचली. चीनच्या शिन्वा वृत्तसंस्थेने याबाबत वृत्त दिले.

हिंदी महासागरात ‘ड्रॅगन’ वाढवतोय वर्चस्व; भारताची डोकेदुखी वाढली!
अफगाणिस्तानचा सर्वोच्च नेता होणारा मुल्ला अखुनझादा आहे तरी कोण?
चीनचे अफगाणिस्तानमधील राजदूत वँग यू आणि अफगाणिस्तानमधील काळजीवाहू सरकारचे निर्वासितांचे मंत्री खलील-उर-रहमान हक्कानी विमानतळावर उपस्थित होते. अत्यंत कठीण काळात चीनने मदतीसाठीचे साहित्य तातडीने अफगाणिस्तानला पाठवले. हिवाळ्यामधील कपडे, ब्लँकेट आदी साहित्याचा यामध्ये समावेश आहे. अन्नधान्य आणि इतर मदतही लवकरच पाठविण्यात येईल, असे सांगण्यात आले. हक्कानीकडून चीनचे आभार मानण्यात आले. तालिबानने यावेळी चीनला अफगाणिस्तानचा मित्र म्हणून संबोधले. अफगाणिस्तानमध्ये आर्थिक संकट मोठे असून, जीवनावश्यक वस्तूंचा तुटवडा आहे. अफगाणिस्तान शेजारी देशांना दिलेले आश्वासन पाळण्यास कटिबद्ध असल्याचे हक्कानीने सांगितले. अफगाणिस्तानच्या भूमीचा वापर दहशतवाद्यांना करू देणार नाही, याचा त्याने पुनरुच्चार केला.
दरम्यान, तुर्की आणि उझबेकिस्तानने अफगाणिस्तानला विमानांचे उड्डाण सुरू केले आहे. भारताने अद्याप याचा निर्णय घेतलेला नाही. तालिबानने सत्ता हाती घेतल्यानंतर पहिल्यांदाच दोन देशांनी अफगाणिस्तानमधून व्यावसायिक उड्डाणांना सुरुवात केली आहे