चाकण, दि. २६ (पीसीबी) – गावी पैसे पाठवण्यासाठी एटीएमच्या रांगेत उभा असलेल्या एका तरुणाला तीन जणांनी मिळून ११ हजारांचा गंडा घातला. सुरुवातीला आरोपींनी रुमालात १ लाख २० हजार रुपये असल्याचे सांगून तो रुमाला त्या तरुणाकडे दिला. त्यानंतर तरुणाकडील रोख ११ हजार रुपये घेऊन पोबारा केला. रुमाल उघडल्यानंतर त्यामध्ये चक्क पांढरे कागद आढळले. ही घटना सोमवारी (दि. २५) सकाळी दहाच्या सुमारास चाकण गावात घडली.